గురి తప్పకూడదు!

గురి తప్పకూడదు!

‘‘తప్పకూడదు... మన గురి తప్పకూడదు. ఎదుట ఉన్నది ఎవరైనా గురి తప్పకూడదు’’... అని అమరేంద్ర బాహుబలి (ప్రభాస్‌) దేవసేన (అనుష్క)కు చెబుతున్నట్టుంది కదూ. ‘బాహుబలి 2’ లోని ఈ స్టిల్‌ను గురువారం విడుదల చేశారు.  మొదటి భాగంలో డీ–గ్లామరైజ్డ్‌ రోల్‌లో దర్శనమిచ్చిన అనుష్క ఈ పోస్టర్‌లో గ్లామరస్‌గా కనిపిస్తున్నారు. సెకండ్‌ పార్ట్‌లో అమరేంద్ర, దేవసేన ఎలా కనిపిస్తారో ఈ స్టిల్‌ ద్వారా చిత్రబృందం చూపించింది.

కచ్చితంగా ప్రభాస్‌ అభిమానులను ఆనందపరిచే స్టిల్‌ అని చెప్పొచ్చు. ప్రభాస్, రానా, అనుష్క, తమన్నా, రమ్యకృష్ణ, సత్యరాజ్‌ ముఖ్య పాత్రల్లో ఎస్‌.ఎస్‌. రాజమౌళి దర్శకత్వంలో శోభు యార్లగడ్డ, ప్రసాద్‌ దేవినేని నిర్మించిన ఈ చిత్రం ఏప్రిల్‌ 28న విడుదల కానుంది. ఇటీవల షూటింగ్‌ పూర్తి చేసుకున్న ఈ చిత్రం ప్రస్తుతం నిర్మాణానంతర కార్యక్రమాలు జరుపుకుంటోంది.