మూడో సినిమా కూడా లైన్లో పెట్టాడు

అ..ఆ.. సినిమాతో 50 కోట్ల క్లబ్లో అడుగుపెట్టిన యంగ్ హీరో నితిన్, షార్ట్ గ్యాప్ తరువాత వరుస సినిమాలకు రెడీ అవుతున్నాడు. ప్రస్తుతం హనురాఘవపూడి దర్శకత్వంలో డిఫరెంట్ లుక్లో ఓ సినిమా చేస్తున్న నితిన్, మరో సినిమాను కూడా లాంచనంగా ప్రారంభించాడు. పవన్ కళ్యాణ్, త్రివిక్రమ్ శ్రీనివాస్లు సంయుక్తంగా కృష్ణ చైతన్య దర్శకత్వంలో తెరకెక్కబోయే సినిమాను కూడా స్టార్ చేశాడు.

ఈ రెండు సినిమాలు సెట్స్ మీద ఉండగానే తాజాగా మరో సినిమాకు రెడీ అవుతున్నాడు నితిన్. బెంగాల్ టైగర్ సినిమాను నిర్మించిన కె.కె.రాధామోహన్, భారీ బడ్జెట్తో ఈ సినిమాను నిర్మిస్తున్నాడు. ప్రస్తుతానికి సినిమాకు సంబంధించిన కథా చర్చలు జరగుతుండగా త్వరలోనే నటీనటులతో పాటు దర్శకుణ్ని కూడా ఫైనల్ చేయనున్నారు. ప్రస్తుతం సెట్స్ మీద ఉన్న నితిన్ రెండు సినిమాలు పూర్తవ్వగానే ఆగస్టు నుంచి కొత్త సినిమాను ప్రారంభించేందుకు ప్లాన్ చేస్తున్నారు.