రీమేక్కు రెడీ అవుతున్న నితిన్

అఖిల్ సినిమా ఫెయిల్యూర్తో ఆర్ధికంగా దెబ్బతిన్న నితిన్ తిరిగి సినిమాల మీద దృష్టిపెడుతున్నాడు. ప్రస్తుతం త్రివిక్రమ్ శ్రీనివాస్ దర్శకత్వంలో అ..ఆ..( అనసూయ రామలింగం వర్సెస్ ఆనంద్ విహారి ) సినిమాలో నటిస్తున్నాడు. భారీగా తెరకెక్కుతున్న ఈ సినిమాలో నితిన్ సరసన సమంత హీరోయిన్గా నటిస్తోంది. ఈ సినిమా సెట్స్ మీద ఉండగానే మరో సినిమాను రెడీ చేస్తున్నాడు ఈ యంగ్ హీరో.

ఇటీవల తమిళ్లో విడుదలై ఘనవిజయం సాధించిన ఎట్టి సినిమాను తెలుగులో రీమేక్ చేయాలని ప్లాన్ చేస్తున్నాడట. ఒరిజినల్ సినిమాకు నిర్మాత దర్శకులుగా వ్యవహరించిన వారే ఈ సినిమాను కూడా తెరకెక్కించాలని ప్లాన్ చేస్తున్నారు. క్రీడా నేపథ్యంలో తెరకెక్కిన ఈ సినిమాను షాహిద్ కపూర్ హీరోగా బాలీవుడ్లో రీమేక్ చేస్తున్నారు. మరి తెలుగులో ఈ స్పోర్ట్స్ డ్రామాలో నటించడానికి నితిన్ అంగీకరిస్తాడో లేదో చూడాలి.