మనసు నిండిపోయింది... | Nani's 'Janda Pai Kapiraju' ready for release | Sakshi
Sakshi News home page

మనసు నిండిపోయింది...

Jul 30 2014 12:48 AM | Updated on Sep 2 2017 11:04 AM

మనసు నిండిపోయింది...

మనసు నిండిపోయింది...

‘‘మనల్ని మనం సరిదిద్దుకుంటే ప్రపంచం మొత్తం సరి అవుతుంది అనే మంచి కాన్సెప్ట్‌తో ఈ చిత్రం రూపొందింది. నా కెరీర్‌లో ‘జెండాపై కపిరాజు’ ప్రత్యేకమైన సినిమా.

‘‘మనల్ని మనం సరిదిద్దుకుంటే ప్రపంచం మొత్తం సరి అవుతుంది అనే మంచి కాన్సెప్ట్‌తో ఈ చిత్రం రూపొందింది. నా కెరీర్‌లో ‘జెండాపై కపిరాజు’ ప్రత్యేకమైన సినిమా. ఇందులో తొలిసారి ద్విపాత్రాభినయం చేశాను’’ అని నాని అన్నారు. ఆయన కథానాయకునిగా పి.సముద్రఖని దర్శకత్వంలో రూపొందిన చిత్రం ‘జెండాపై కపిరాజు’. మల్టీడైమన్షన్స్ పతాకంపై రజత్ పార్థసారధి, కేఎస్ శ్రీనివాసన్ నిర్మించిన ఈ సినిమా ఆగస్ట్‌లో విడుదల కానుంది.
 
 ఈ సందర్భంగా మంగళవారం ఏర్పాటు చేసిన విలేకరుల సమావేశంలో నాని మాట్లాడుతూ -‘‘మూడ్రోజుల క్రితం సినిమా మొత్తం చూశాను. మనసు నిండిపోయింది. ఏదో మంచి పని చేసిన ఫీలింగ్. సామాజిక దృక్పథంతో సాగే ఇలాంటి సినిమాలో నటించినందుకు గర్వంగా ఉంది. సముద్రఖని అద్భుతంగా సినిమాను మలిచారు. ఈ సినిమాలో కీలక సన్నివేశంలో వచ్చే మూడు నిమిషాల ఫైట్ కోసం ఇరవై నాలుగు రోజులు కష్టపడ్డాం’’ అని చెప్పారు. అన్ని కార్యక్రమాలూ పూర్తయ్యాయని, త్వరలోనే సినిమాను విడుదల చేస్తామని ‘మల్టీడైమన్షన్’ వాసు తెలిపారు.
 

Advertisement

Related News By Category

Related News By Tags

Advertisement
 
Advertisement

పోల్

Advertisement