చిందేస్తున్నారు

Nagarjuna-Nani gearing up for massive Song - Sakshi

ఏదైనా పని స్టార్ట్‌ చేసే ముందు వినాయకుణ్ణి ప్రార్థించమంటారు పెద్దలు. అలాగే ప్రార్థిస్తున్నారు డాన్‌ అండ్‌ డాక్టర్‌. వినాయకుని ముందు కథానాయకులిద్దరూ కలిసి చిందేస్తున్నారట. ఈ పూజ ఇద్దరూ విడివిడిగా చేసే పని కోసమా? లేక కలసి చేసే మంచి పని కోసమా? తెలియాలంటే మా సినిమా చూడాలంటున్నారు శ్రీరామ్‌ ఆదిత్య. నాగార్జున, నానీ హీరోలుగా వైజయంతీ మూవీస్‌ బ్యానర్‌పై అశ్వనీదత్‌ ఓ భారీ మల్టీస్టారర్‌ మూవీ రూపొందిస్తున్న సంగతి తెలిసిందే. శ్రీరామ్‌ ఆదిత్య దర్శకుడు.

నాగార్జున సరసన ఆకాంక్షా సింగ్, నానీ సరసన రష్మికా మండన్న హీరోయిన్లుగా నటిస్తున్నారు. ప్రస్తుతం వినాయకుడికి సంబంధించిన ఓ పాటను  హైదరాబాద్‌లో షూట్‌ చేస్తున్నారు. ఆల్రెడీ ఓ ప్రముఖ స్టూడియోలో కొంత భాగం తీశారు. ఇప్పుడు మరో ప్రముఖ స్టూడియోలో మిగిలిన పోర్షన్‌ను షూట్‌ చేస్తున్నారు. జూలై నెలతో నాగార్జున పాత్రకు సంబంధించిన పూర్తి షూటింగ్‌ కంప్లీట్‌ అయిపోతుందని సమాచారం. ఈ సినిమాను సెప్టెంబర్‌లో రిలీజ్‌ చేయాలని చిత్రబృందం ప్లాన్‌ చేస్తోంది.

Read latest Movies News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top