అక్కినేని వారసులు క్లారిటీ ఇచ్చారు

అక్కినేని వారసులు క్లారిటీ ఇచ్చారు

యంగ్ హీరో అఖిల్ తన రెండో సినిమాపై మరోసారి క్లారిటీ ఇచ్చాడు. అఖిల్ సినిమా రిజల్ట్తో ఆలోచనలో పడ్డ ఈ యువ కథానాయకుడు రెండో సినిమా ఎంపికలో ఆచితూచి అడుగులు వేస్తున్నాడు. ఇప్పటికే చాలా మంది దర్శకులతో చర్చలు జరిపిన అక్కినేని యంగ్ హీరో గతంలో హను రాఘవపూడి దర్శకత్వంలో సినిమా చేస్తున్నట్టుగా ప్రకటించాడు. అయితే నిర్మాణపరమైన సమస్యల కారణంగా ఆ ప్రాజెక్ట్ పట్టాలెక్కలేదు.

తాజాగా మనం ఫేం విక్రమ్ కుమార్ దర్శకత్వంలో సినిమా చేస్తున్నట్టుగా ప్రకటించాడు అఖిల్. ఇదే విషయాన్ని నాగార్జున కూడా కన్ఫామ్ చేశాడు. అఖిల్ రెండో సినిమాకు విక్రమ్ కుమార్ దర్శకత్వం వహించనున్నాడని ప్రకటించిన నాగ్, నాగచైతన్య.., సొగ్గాడే చిన్నినాయనా ఫేం కళ్యాణ్ కృష్ణ దర్శకత్వంలో నటించనున్నాడని ప్రకటించాడు. త్వరలోనే ఈ రెండు సినిమాలు సెట్స్ మీదకు వెళ్లనున్నాయి.

Sept rocks for me/announcing films with two of my star directors.KALYAN with NagaChaitanya//VIKRAM KUMAR with Akhil.On the floors very soon

— Nagarjuna Akkineni (@iamnagarjuna) 1 September 2016