రెండో సినిమా అగ్ని పరీక్షే!

 

 ఇక రెండో చిత్రం ‘హసీ తో ఫసీ’లో ప్రస్తుతం నటిస్తున్నాడు. ఈ సినిమా గురించి మల్హోత్రా మాట్లాడుతూ... ‘చాలా ఆనందంగా ఉంది. అదే సమయంలో ఆందోళనగా కూడా ఉంది. ఇది నాకు అగ్ని పరీక్ష వంటిదే. ఎందుకంటే ఈ సినిమాలో నేను సోలో హీరో. ఏది చేసినా... నేనే! ఏది దక్కినా.. నాకే! అందుకే చాలా ఎగ్జయిటింగ్‌గా ఉంది. అయితే ఈ చిత్రం నన్ను నిరాశపర్చదనే విశ్వాసం కూడా ఉంది. ప్రేక్షకులను ఉత్సాహపరిచేందుకు వందశాతం కష్టపడ్డాను. మొదటి చిత్రంలో నటించేటప్పుడు ఇలాంటి పరిస్థితి లేదు. నన్ను పరిచయం చేసిన కరణ్ నా సగం బాధ్యతలను తన భుజాలపైనే వేసుకున్నాడు. కానీ ఇప్పుడు పరిస్థితి వేరు. నా బాధ్యత చాలా పెరిగినట్లు అని పించింది. ఈ చిత్రంలో ఓ రొమాంటిక్ కామిడీ. దర్శకుడు వినీల్ మాథ్యు చాలా అందంగా తెరకెక్కించాడు. అయితే ప్రేక్షకులు ఆదరించినప్పుడే ఏ నటుడికైనా గుర్తింపు దక్కుతుంది. చూద్దాం.. రెండో పరీక్షలో నెగ్గుతానో..? లేదో...?