మహేష్ మూవీ టైటిల్ ఎప్పుడంటే..!

మహేష్ మూవీ టైటిల్ ఎప్పుడంటే..!

సూపర్ స్టార్ మహేష్ బాబు ప్రస్తుతం తమిళ స్టార్ డైరెక్టర్ మురుగదాస్ దర్శకత్వంలో ఓ యాక్షన్ డ్రామాలో నటిస్తున్నాడు. ఇటీవల మొదలైన ఈ సినిమా ప్రస్తుతం హైదరబాద్ పరిసర ప్రాంతంలో షూటింగ్ జరుపుకుంటోంది. మహేష్ పుట్టిన రోజు సందర్భంగా ఈ మూవీ ఫస్ట్ లుక్ను రిలీజ్ చేస్తారన్న టాక్ వినిపించినా.. ఇప్పట్లో అలాంటిదేమి లేదంటూ చిత్రయూనిట్ ప్రకటించారు. అయితే తాజాగా మరో ఆసక్తికరమైన వార్త సూపర్ స్టార్ అభిమానులకు కిక్ ఇస్తోంది.

న్యాయ వ్యవస్థ లోని లోపాలపై తెరకెక్కుతున్న ఈ సినిమా టైటిల్ను దసర సందర్భంగా ప్రకటించనున్నారట. ఇప్పటికే ఈ సినిమాకు ఎనిమీ అనే టైటిల్ను పరిశీలిస్తున్నారన్న టాక్ వినిపిస్తోంది. అయితే దసర రోజున చిత్రయూనిట్ అధికారికంగా సినిమా టైటిల్ను ప్రకటించనున్నారు. ఇక మహేష్ లుక్ను మాత్రం సంగం షూటింగ్ పూర్తయిన తరువాత జనవరి రెండో వారంలో రివీల్ చేసేందుకు ప్లాన్ చేస్తున్నారు.