వేసవి ముగిశాక కొత్త సినిమా

Katrina Kaif to romance Mahesh Babu in Sukumar's next movie - Sakshi

‘వన్‌ : నేనొక్కడినే’ కాంబినేషన్‌ (సుకుమార్‌– మహేశ్‌బాబు) వన్స్‌మోర్‌ రిపీట్‌ కానుందన్నప్పటి నుంచి ఇండస్ట్రీలో మంచి ఆసక్తి ఏర్పడింది. ఈ ప్రాజెక్ట్‌ ఎప్పుడు పట్టాలెక్కుతుందా? అని ఎదురు చూస్తున్నారు. సుకుమార్‌ కథ తయారు చేసే పని మీద ఉన్నారనే వార్త ప్రచారంలో ఉంది. తాజా సమాచారమేంటంటే సుకుమార్‌ కథ అవుట్‌లైన్‌ను తయారు చేసేశారట. అలాగే మహేశ్‌కు వినిపించడం కూడా జరిగిపోయిందట. ఈ కథ మహేశ్‌కు చాలా బాగా నచ్చిందని, ప్రాజెక్ట్‌ పట్ల చాలా ఎగై్జటింగ్‌గా ఉన్నారని టాక్‌. ప్రస్తుతం సుక్కూ కథ పూర్తి స్థాయి ప్రిపరేషన్‌తో పాటు ప్రీ ప్రొడక్షన్‌ వర్క్‌ పనులు మొదలెట్టారని సమాచారం.

మహేశ్‌ కెరీర్‌లో మునుపెన్నడూ చూడనటువంటి కమర్షియల్‌ చిత్రంగా ఈ సినిమా ఉండబోతోందట. మైత్రీ మూవీ మేకర్స్‌ బ్యానర్‌పై రవిశంకర్, మోహన్‌ చెరుకూరి, నవీన్‌ యర్నేని నిర్మించనున్నారు. ఈ సినిమా రెగ్యులర్‌ షూటింగ్‌ జూన్‌ నెల నుంచి ప్రారంభం కానుందట. ఇందులో మహేశ్‌ సరసన బాలీవుడ్‌ భామ కత్రినా కైఫ్‌ నటించొచ్చనే ప్రచారం కూడా జరుగుతోంది. మహేశ్‌ ప్రస్తుతం ‘మహర్షి’ సినిమా షూటింగ్‌లో బిజీగా ఉన్న సంగతి తెలిసిందే. ఈ సినిమా ఏప్రిల్‌ 5న రిలీజ్‌ కానుంది. మే నెల హాలిడే తీసుకొని జూన్‌లో సుక్కూ సినిమా సెట్లో అడుగుపెడతారని ఊహించవచ్చు. సో.. వేసవి ముగిశాక కొత్త సినిమా షూటింగ్‌లో పాల్గొంటారన్నమాట.

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top