కాజల్, అల్లుడు శీను వెరైటీ ‘కీకీ’ వీడియో

ప్రపంచవ్యాప్తంగా కీకీ చాలెంజ్‌ ఫేమస్‌ అయింది. ఎంతో మంది ప్రమాదాల భారిన పడ్డారు కూడా. ఈ చాలెంజ్‌ మన దేశంలోనూ విస్తరించి హల్‌చల్‌ చేస్తోంది. టాలీవుడ్‌కు చెందిన ఆదా శర్మ, రెజీనాలు కీకీ చాలెంజ్‌ను స్వీకరించారు. పోలీసులు ఈ చాలెంజ్‌ను నిషేదించడంతో కొంతవరకు దీని హవా తగ్గింది. 

అయితే తాజాగా కాజల్‌ అగర్వాల్, బెల్లంకొండ శ్రీనివాస్‌ కలిసి ఈ కీకీ చాలెంజ్‌ను వెరైటీగా ప్రయత్నించారు. కదిలే కారులోంచి కాకుండా.. వీల్‌ చైర్‌లోంచి దిగి విభిన్నంగా చేశారు. ప్రస్తుతం వీరిద్దరు కలిసి ఓ సినిమాలో నటిస్తోన్న విషయం తెలిసిందే. ఈ సినిమా షూటింగ్‌ జరుగుతుండగా.. మధ్యలో ఈ కీకీ వీడియోను షూట్‌ చేసి సోషల్‌ మీడియాలో పోస్ట్‌ చేసినట్టున్నారు. ప్రస్తుతం ఈ వీడియో వైరల్‌ అవుతోంది.