సూపర్ స్టార్ ప్రమాణ స్వీకారం..?

సూపర్ స్టార్ ప్రమాణ స్వీకారం..?

సూపర్ స్టార్ మహేష్ బాబు ప్రస్తుతం తమిళ స్టార్ డైరెక్టర్ మురుగదాస్ దర్శకత్వంలో నటిస్తున్న సంగతి తెలిసిందే. అయితే ఈ సినిమా తరువాత తను చేయబోయే సినిమాను అప్పుడే లైన్లో పెట్టేశాడు మహేష్. తనకు శ్రీమంతుడు లాంటి బిగెస్ట్ హిట్ అందించిన కొరటాల శివ దర్శకత్వంలో మరో సినిమా చేయడానికి రెడీ అవుతున్నాడు.

ఇప్పటికే కథ కూడా పైనల్ అయిన ఈ సినిమాకు ఓ ఇంట్రస్టింగ్ టైటిల్ను ఫిక్స్ చేశారంటూ ప్రచారం మొదలైంది. ఈ సినిమాకు 'భరత్ అను నేను' అనే టైటిల్ను ఫిక్స్ చేశారట. ఈ సినిమాలో మహేష్ బాబు రాజకీయ నాయకుడిగా కనిపించనున్నాడన్న ప్రచారం కొద్ది రోజులుగా జరుగుతోంది. ఆ ప్రచారానికి మరింత బలాన్నిస్తూ ప్రమాణ స్వీకార సమయంలో చెప్పే మాటలనే టైటిల్గా ఫిక్స్ చేశారన్న టాక్ వినిపిస్తోంది.

దూకుడు సినిమాలో మహేష్ బాబు కొద్ది సేపు వైట్ అండ్ వైట్లో ఎమ్మెల్యేగా కనిపిస్తాడు. ఆ క్యారెక్టర్కు మంచి రెస్పాన్స్ రావటంతో పాటు సినిమా కూడా ఘనవిజయం సాధించింది. దీంతో ఈ సారి మహేష్ పూర్తి స్థాయి పొలిటికల్ లీడర్గా నటిస్తే మరోసారి రికార్డ్లు తిరగరాయటం కాయం అన్న నమ్మకంతో ఉన్నారు ఫ్యాన్స్. నిజంగానే తన నెక్ట్స్ సినిమాలో మహేష్ పొలిటీషియన్ కనిపిస్తాడా..? అసలు విషయం తెలియాలంటే మరికొద్ది రోజులు వెయిట్ చేయాల్సిందే.