సెన్సార్‌కే ఆరు నెలలు

ఓ యువజంట జీవితంలో జరిగిన యథార్థ సంఘటన ఆధారంగా తెరకెక్కుతోన్న చిత్రం ‘ఇదే చారుతో డేటింగ్’. తెలుగు, తమిళ, మలయాళ భాషల్లో ఒకేసారి తెరకెక్కిన ఈ చిత్రంలో క్రిష్, స్వప్న జంటగా నటించారు. ఎస్.నాగరాజు దర్శకుడు. తిరుచ్చి జి.చెల్లాదురై నిర్మాత. సి.జార్జ్ స్వరాలందించిన ఈ చిత్రం పాటలను హైదరాబాద్‌లో విడుదల చేశారు. వినోదంతో పాటు సందేశం కూడా ఉన్న సినిమా ఇదని, సెన్సార్ పూర్తి కావడానికి ఆరు నెలలు పట్టిందని, ఎంతో కష్టపడి ఈ చిత్రాన్ని పూర్తి చేశామని, వచ్చే నెలలో మూడు భాషల్లో చిత్రాన్ని విడుదల చేస్తామని నిర్మాత తెలిపారు. ఇంకా ఈ కార్యక్రమంలో చిత్రం యూనిట్ సభ్యులతో పాటు కీరవాణి తనయుడు భైరవ, సురేందర్‌రెడ్డి పాల్గొన్నారు.