TV
లాయర్‌ను మార్చిన హృతిక్ రోషన్?
హీరోయిన్ కంగనా రనౌత్‌తో గొడవ పడుతున్న బాలీవుడ్ హీరో హృతిక్ రోషన్.. తన న్యాయవాదిని మార్చేశాడట.
హీరోయిన్ కంగనా రనౌత్‌తో గొడవ పడుతున్న బాలీవుడ్ హీరో హృతిక్ రోషన్.. తన న్యాయవాదిని మార్చేశాడట. టాప్ లాయర్ మహేష్ జెఠ్మలానీ సేవలను ఇకమీదట హృతిక్ పొందుతాడు. అయితే ఈ విషయం గురించి మహేష్ జెఠ్మలానీ మాత్రం ఏమీ స్పందించలేదు.
ఇంతకాలం హృతిక్ తరఫున దీపేష్ మెహతా అనే న్యాయవాది వాదిస్తున్నారు. ఆయనే కంగనకు లీగల్ నోటీసులు కూడా పంపారు. ఈ కేసులో అవసరాన్ని బట్టి తన సీనియర్ అమిత్ దేశాయ్‌ని గతంలో సంప్రదించానని, ఇంకా అవసరమైతే తాను ముకుల్ రోహత్గీ సలహాలు కూడా తీసుకుంటానని మెహతా చెప్పారు. అయితే, ఈ లాయర్ మీద అంతగా నమ్మకం లేకపోవడం వల్లే హృతిక్ ఈ కేసులో లాయర్‌ను మార్చేశాడని చెబుతున్నారు.
