37 కార్లు, 4 ట్రక్కులతో భారీ యాక్షన్‌ సీన్స్‌

బాహుబలితో ఇండియన్‌ స్టార్‌ అయ్యారు ప్రభాస్‌. ఈ సినిమాతో ప్రభాస్‌ రేంజ్ అమాంతం పెరిగిపోయింది. అందుకే ప్రస్తుతం ప్రభాస్‌ చేస్తున్న సాహో మూవీని హాలీవుడ్‌ లెవల్లో తెరకెక్కిస్తున్నారు. ఈ సినిమా బడ్జెట్‌ రోజు రోజుకూ పెరిగిపోతూ ఉన్నా... నిర్మాతలు వెనక్కి తగ్గడం లేదు. ఓ షెడ్యుల్‌ కోసం అబుదాబిలో ఉంది చిత్రబృందం. ప్రస్తుతం అబుదాబిలో భారీ యాక్షన్‌ ఛేజింగ్‌​ సీన్స్‌ను చిత్రీకరిస్తున్నారు. 

దీనిలో భాగంగానే 37 కార్లను, 4 ట్రక్కులను వినియోగిస్తున్నారట. ఈ భారీ చేజింగ్‌ సన్నివేశాలు హాలివుడ్‌ తరహాలో ఉండబోతోందని సమాచారం. ఈ సినిమాకు రన్‌ రాజా రన్‌ ఫేం సుజిత్‌ దర్శకత్వం వహిస్తున్నారు. యూవీ క్రియేషన్స్‌ నిర్మిస్తున్న ఈ సినిమాలో బాలీవుడ్‌ బ్యూటీ శ్రద్ధాకపూర్‌ హీరోయిన్‌గా నటిస్తోంది.