మంచి వసూళ్లు రాబడుతున్న రణవీర్‌ ‘గల్లీబాయ్‌’

ముంబై: రణ్‌వీర్‌ సింగ్‌, ఆలియా భట్‌ జంటగా నటించిన తాజా సినిమా ‘గల్లీ బాయ్‌’.. దేశీ ర్యాప్‌ కల్చర్‌ సంగీత నేపథ్యంతో తెరకెక్కిన ఈ సినిమా బాక్సాఫీస్‌ వద్ద మంచి వసూళ్లు రాబడుతోంది. ప్రేమికుల రోజు సందర్భంగా గత గురువారం విడుదలైన ఈ సినిమా నాలుగురోజుల్లో 51.15 కోట్లు రాబట్టింది. వీకెండ్‌లో చివరిరోజైన ఆదివారం కూడా ఈ సినిమా మంచి వసూళ్లు రాబట్టి మొదటి ఐదు రోజుల్లో రూ. 70 కోట్లు దాటే అవకాశముందని బాలీవుడ్‌ ట్రేడ్‌ విశ్లేషకుడు తరణ్‌ ఆదర్శ్‌ ట్విటర్‌లో తెలిపారు. మొదటి నాలుగు రోజుల్లో ఈ సినిమా వరుసగా గురువారం రూ. 19.40 కోట్లు, శుక్రవారం రూ. 13.10 కోట్లు, శనివారం రూ. 18.65 కోట్లు వసూలు చేసిందని ఆయన తెలిపారు.