TV
దుబాయ్‌లో గల్ఫ్ పాటలు!
దేశం కాని దేశం గల్ఫ్‌కు వలస వెళ్లి, అక్కడ ఎన్నో ఆటుపోట్లు ఎదుర్కొని విజయతీరాలకు చేరుకున్న ఎంతో మంది భారతీయుల విజయగాథలే కథాంశంగా తెరకెక్కుతోన్న చిత్రం ‘గల్ఫ్’.
దేశం కాని దేశం గల్ఫ్‌కు వలస వెళ్లి, అక్కడ ఎన్నో ఆటుపోట్లు ఎదుర్కొని విజయతీరాలకు చేరుకున్న ఎంతో మంది భారతీయుల విజయగాథలే కథాంశంగా తెరకెక్కుతోన్న చిత్రం ‘గల్ఫ్’. పి. సునీల్ కుమార్ రెడ్డి దర్శకత్వంలో యెక్కలి రవీంద్రబాబు ఈ చిత్రాన్ని నిర్మిస్తున్నారు. ప్రవీణ్ ఇమ్మడి స్వరపరిచిన ఈ చిత్రం పాటల్లోని ఓ పాటను, ఈ సినిమా టీజర్‌ను దుబాయ్‌లో ఆవిష్కరించారు. గల్ఫ్ వలసల మీద రూపొందిస్తున్న సినిమా కావడంతో దుబాయ్‌లోని జజీరా ఎమిరేట్స్ పవర్ అనే కంపెనీకి చెందిన సోనాపూర్ లేబర్ క్యాంప్‌లో ఈ వేడుక నిర్వహించారు. దర్శకుడు మాట్లాడుతూ- ‘‘గల్ఫ్‌లో స్థిరపడిన చాలామంది భారతీయులను కలిసి వారి నుంచి సమాచారాన్ని సేకరించాం.
దాదాపు 500 కేస్ స్టడీస్ ఆధారంగా కథ తయారు చేశాను. హీరో-హీరోయిన్లుగా కొత్తవాళ్లు నటిస్తున్న ఈ చిత్రంలో తనికెళ్ల భరణి, ఎల్.బి శ్రీరామ్ తదితరులు కీలక పాత్రలు పోషిస్తున్నారు. ఈ చిత్రాన్ని జూలైలో విడుదల చేయనున్నాం’’ అని తెలిపారు. ఈ చిత్రానికి ఛాయాగ్రహణం: ఎస్.వి.శ్రీరామ్, ఎగ్జిక్యూటివ్ నిర్మాత: బి.బాపిరాజు.
