కబడ్డీ కబడ్డీ

గోపీచంద్‌ హీరోగా సంపత్‌నంది దర్శకత్వంలో కబడ్డీ ఆట నేపథ్యంలో ఓ సినిమా తెరకెక్కుతోన్న సంగతి తెలిసిందే. ఇందులో తమన్నా కథానాయికగా నటిస్తున్నారు. మరో కథానాయికగా దిగంగన సూర్యవంశి నటిస్తుండగా, భూమిక, రావురమేష్‌ కీలక పాత్రలు చేస్తున్నారు. పవన్‌ కుమార్‌ సమర్పణలో శ్రీనివాసా చిట్టూరి ఈ చిత్రాన్ని నిర్మిస్తున్నారు. ఇందులో ఆంధ్రాజట్టు కబడ్డీ టీమ్‌ కోచ్‌గా నటిస్తున్నారు గోపీచంద్‌. ఇటీవల ఈ సినిమా తొలి షెడ్యూల్‌ ముగిసిన సంగతి తెలిసిందే. తాజాగా రెండో షెడ్యూల్‌ మొదలైంది. ప్రస్తుతం రాత్రివేళ వచ్చే సన్నివేశాల చిత్రీకరణ జరుగుతోంది. రాజమండ్రి, ఢిల్లీ ప్రదేశాల్లోనూ షూటింగ్‌ ప్లాన్‌ చేశారు. ఈ సినిమాకు మణిశర్మ సంగీతం అందిస్తున్నారు. వేసవిలో ఈ సినిమా ప్రేక్షకుల ముందుకు రానుంది.