మలినేని గోపీచంద్ దర్శకత్వంలో?

 అల్లు అర్జున్ మరో క్రేజీ ప్రాజెక్ట్‌కి పచ్చజెండా ఊపేశారట. డాన్‌శీను, బలుపు చిత్రాలతో మాస్‌ని అలరించిన దర్శకుడు మలినేని గోపీచంద్ దర్శకత్వంలో ఆయన నటించనున్నారని ఫిలిమ్‌నగర్ సమాచారమ్. గోపీచంద్ చెప్పిన కథ బన్నీకి విపరీతంగా నచ్చేయడంతో ఈ సినిమాలో నటించడానికి బన్నీ గ్రీన్ సిగ్నల్ ఇచ్చేశారట. ప్రస్తుతం బన్నీ..  సురేందర్‌రెడ్డి దర్శకత్వంలో ‘రేసుగుర్రం’ సినిమా చేస్తున్న విషయం తెలిసిందే. ఈ సినిమా తర్వాత ఆయన త్రివిక్రమ్ దర్శకత్వంలో సినిమా చేయనున్నారు. ఆ సినిమాతో పాటు ఈ క్రేజీ ప్రాజెక్ట్ కూడా సెట్స్‌కి వెళుతుందని తెలుస్తోంది. బన్నీతో ‘పరుగు’ లాంటి విజయవంతమైన చిత్రం తీసిన ‘దిల్’ రాజు ఈ చిత్రాన్ని నిర్మిస్తారని వినికిడి. ఈ సినిమాకు సంబంధించిన మిగిలిన వివరాలు తెలియాల్సి ఉంది.