హృతిక్‌రోషన్‌ వీర్యదానం చేయాలి

చెన్నై,పెరంబూరు: అన్నదానం, రక్తదానం, నేత్రదానం దాటి ఇప్పడు వీర్యదానం వరకూ వచ్చింది. ఒక ప్రముఖ క్రికెట్‌ క్రీడాకారిణి బాలీవుడ్‌ క్రేజీ నటుడు హృతిక్‌రోషన్‌ వీర్యదానం చేయాలన్న డిమాండ్‌ను వ్యక్తం చేసింది. అంతర్జాతీయ, ఐపీఎల్‌ క్రికెట్‌ క్రీడాపోటీల్లో పాల్గొన్న భావన అనే క్రీడాకారిణి బాలీవుడ్‌ క్రేజీ నటుడు హృతిక్‌ రోషన్‌ నటించిన వార్‌ చిత్రాన్ని చూసి విశ్లేషిస్తూ తన ట్విట్టర్‌లో ఇలా పేర్కొన్నారు. అందులో మగ అభిమానులు చిత్రంలోని ఫైట్స్, ఛేజింగ్‌ సన్నివేశాలు చూసి ఆనందిస్తున్నారన్నారు. మహిళలు మాత్రం నటుడు హృతిక్‌రోషన్, మరో నటుడు టైగర్‌ను చూసి ఎంజాయ్‌ చేస్తారని పేర్కొన్నారు. నటుడు హృతిక్‌ రోషన్‌ తన వీర్యాన్ని దానం చేయాలన్న కోరికను వ్యక్తం చేశారు. ఇప్పుడీ విషయం వార్తగా మారింది.