కామెడీ స్టార్ అరెస్ట్

ప్రముఖ టీవీ షో కామెడీ నైట్స్ విత్ కపిల్ లో పాలక్ గా కనిపించే కమేడియన్ కికు శర్ద అరెస్ట్ అయ్యాడు. సిర్సాకు చెందిన డేరా సచ్చా సౌదా వారి మతాచారాలను కించ పరిచే విధంగా ప్రవర్తించినందుకు ఆయనపై కేసు నమోదు చేశారు. ఐపీసీ సెక్షన్ 295ఎ కింద బుధవారం ఉదయం ముంబైలో కికును అరెస్ట్ చేశారు.

ప్రముఖ ఆధ్యాత్మిక గురు, సినిమా స్టార్ అయిన గురుమీత్ రామ్ రహీమ్ సింగ్ అనుచరులు వేసిన కేసులో భాగంగా కికు శర్దను అరెస్ట్ చేసినట్లు పోలీసులు తెలిపారు. 2015 డిసెంబర్ 27న టెలికాస్ట్ అయిన టీవీ షోలో కికు శర్ద తమ గురువును అనుకరిస్తూ తమ మనోభావాలను దెబ్బతీశారని ఆయన అనుచరులు కేసు పెట్టారు. దీనిపై అంతకు ముందే కికు క్షమాపణలు చెప్పినా అనుచరులు వినలేదు.