TV
బాలీవుడ్‌ నటుడు కిరణ్‌ కుమార్
బాలీవుడ్‌ నటుడు కిరణ్‌ కుమార్ (74) కరోనా వైరస్‌ బారిన పడ్డారు. ఈ విషయం గురించి కిరణ్‌ మాట్లాడుతూ – ‘‘ఈ నెల 14న మెడికల్‌ చెకప్‌ కోసం హాస్పిటల్‌కు వెళ్లాను. అక్కడ కరోనా టెస్ట్‌ కచ్చితంగా చేయించుకోవాలనే నిబంధన ఉంది. నాలో కరోనా లక్షణాలు ఏవీ కనిపించకపోయినా నాకు పాజిటివ్‌ వచ్చింది. సెల్ఫ్‌ క్వారంటైన్‌లో ఉన్నాను. ఈ నెల 26 లేదా 27 తేదీల్లో రెండోసారి కరోనా టెస్ట్‌ చేయించుకోబోతున్నాను. ప్రస్తుతం నా ఆరోగ్యం బాగానే ఉంది’’అని పేర్కొన్నారు. ‘దడ్కన్, ముజే దోస్తీ కరోగీ’ వంటి చిత్రాల్లో నటించిన కిరణ్‌కుమార్‌ బుల్లితెర ప్రేక్షకులను కూడా అలరించారు.
