TV
మూడు జంటల కథ
క్రైమ్, కామెడీ నేపథ్యంలో నవదీప్, నవీన్‌చంద్ర, పూజ, ప్రాచీ, శ్రేయ ముఖ్య తారలుగా రూపొందిన చిత్రం ‘భమ్ బోలేనాథ్’.
క్రైమ్, కామెడీ నేపథ్యంలో నవదీప్, నవీన్‌చంద్ర, పూజ, ప్రాచీ, శ్రేయ ముఖ్య తారలుగా రూపొందిన చిత్రం ‘భమ్ బోలేనాథ్’. శ్రీకాంత్ దంతులూరి సమర్పణలో శిరువూరి రాజేష్ వర్మ నిర్మించిన ఈ చిత్రానికి కార్తీక్ వర్మ దండు దర్శకుడు. ఈ చిత్రం ప్రచార చిత్రాలను నవదీప్, నవీన్‌చంద్ర హైదరాబాద్‌లో విడుదల చేశారు. ‘‘విభిన్నమైన స్క్రీన్‌ప్లే, ఆసక్తికరమైన క్లయిమాక్స్‌తో సాగే చిత్రం ఇది’’ అని ఈ సందర్భంగా నవదీప్ అన్నారు. ఎంతో ఇష్టంగా చేసిన చిత్రమిదని నవీన్‌చంద్ర చెప్పారు. దర్శకుడు మాట్లాడుతూ - ‘‘మూడు జంటల మధ్య సాగే కథ ఇది. క్రైమ్, కామెడీ ప్రధానాంశాలు. ఈ నెల 28న పాటలను విడుదల చేస్తాం’’ అని చెప్పారు. నిర్మాత మాట్లాడుతూ - ‘‘ఇప్పటివరకు వచ్చిన హారర్, థ్రిల్లర్స్‌కు భిన్నంగా ఈ చిత్రం ఉంటుంది. సినిమా కొత్తగా ఉంటుంది. మా ప్రయత్నాన్ని ప్రేక్షకులు ఆదరిస్తే.. మరిన్ని కొత్త చిత్రాలు వస్తాయి’’ అన్నారు.
