'చీకటి రాజ్యం' ట్రైలర్ వచ్చేసింది.

చెన్నై: తెలుగు, తమిళ భాషల్లో  రాబోతున్న  హీరో కమల్ హాసన్  మూవీ   ట్రైలర్  వచ్చేసింది.  ఎంతో ఆసక్తిగా ఎదురు చూస్తున్న ఈ మూవీ మేకింగ్ వీడియో ఇపుడు నెట్లో హల్ చల్ చేస్తోది.  తమిళంలో  తూంగవనం, తెలుగులో  సినిమా చీకటి రాజ్యం పేరుతో  ఈ దీపావళికి ప్రేక్షకుల ముందుకు వచ్చేందుకు సిద్ధమౌతోంది.     ఫ్యామిలీ  బేస్డ్ క్రైమ్ థిల్లర్ గా  రూపుదిద్దకుంటున్న  ఈ మూవీ షూటింగ్  శరవేగంగా నడుస్తోంది.    కిడ్నాపైన తన కొడుకును  హీరో  ఎలా కాపాడుకున్నాడు అనేదే ఈ సినిమాలోని కీలక అంశం.
కమల్ చిరకాల మిత్రుడు రాజేష్ ఎం సెల్వ దర్శకత్వంలో   రూపుదిద్దుకుంటున్న ఈ మూవీలో  ప్రకాష్ రాజ్,  త్రిష,  మధుశాలిని, సంపత్ రాజ్,  నటిస్తున్నారు. మరోవైపు ఎం జిబ్రాన్  సంగీతాన్ని అందిస్తున్న ఈచిత్రంలో కమల్ హాసన్ ఒక పాట కూడా పాడారు.  స్లీప్లెస్ నైట్ అనే ఫ్రెంచ్ థ్రిల్లర్ మూవీని రీమేక్ చేస్తున్న సంగతి తెలిసిందే..