పవర్‌ఫుల్ లెజెండ్

‘రేయ్... నీకు కావాల్సింది నేను. నాతో పెట్టుకో. పదిమందితో రా. పదికి పది పెంచుకుంటూ రా. పదిసార్లు రా...’ ‘సింహా’ సినిమాలో... అండర్ ప్లే చేస్తూ, బేస్ వాయిస్‌తో బాలయ్య ఈ డైలాగ్ చెబుతుంటే... థియేటర్లు విజిల్స్‌తో మోతెక్కిపోయాయి. అభిమానులైతే ఉత్సవమే చేసుకున్నారు. ఓ విధంగా ఆ సినిమాతో నందమూరి అభిమానుల ఆకలిని తీర్చేశారు దర్శకుడు బోయపాటి శ్రీను. దాదాపు ఆరేడేళ్ల విరామం తర్వాత బాలయ్యకు వచ్చిన బ్లాక్‌బస్టర్ హిట్ ‘సింహా’. ఆ సినిమా తర్వాత మళ్లీ ఆ స్థాయి విజయం బాలయ్యకు రాలేదు. ఇది అభిమానులకు బాధ కలిగిస్తున్న అంశం. అందుకే.. మళ్లీ వారి మనసుల్లో ఆనందాన్ని నింపే పనిలో ఉన్నారు బోయపాటి.