ప్రాణం మీదకు తెచ్చిన పాప్‌కార్న్‌..!

Man Nearly Dies After Getting Popcorn Stuck Between Teeth London - Sakshi

లండన్‌: బ్రిటన్‌కు చెందిన 41 ఏళ్ల ఆడమ్‌ మార్టిన్‌ పంటిలో సెప్టెంబర్‌లో పాప్‌కార్న్‌ ఇరుక్కుంది. దీంతో దానిని బయటకి తీయడానికి పెన్, టూత్‌పిక్, వైరు ముక్క, నెయిల్‌ కట్టర్‌ ఇలా అనేక సామగ్రిని పాప్‌కార్న్‌పై ప్రయోగించాడు. దీంతో మార్టిన్‌ చిగుళ్లకి ఇన్ఫెక్షన్‌ సోకింది. అదీ కాస్తా పెరిగి పెరిగి ఎడోకార్డిటిస్‌ అనే గుండె వ్యాధికి దారి తీసింది.

రాత్రిళ్లు నిద్రలో బాగా ఇబ్బందిగా ఉండటంతో వైద్యుడి వద్దకు వెళ్లగా గుండె దెబ్బతిందని చెప్పారు. చిగుళ్ల ఇన్ఫెక్షన్‌ రక్త నాళాల ద్వారా గుండెకు చేరి రక్తం గడ్డకట్టిందని వివరించారు. సరైన సమయానికే గుర్తించడంతో ఓపెన్‌ హార్ట్‌ సర్జరీ చేసి ఇన్ఫెక్షన్‌ను తొలగించారు. నరకానికి చాలా దగ్గరగా వెళ్లి అదృష్టం కొద్ది బయటపడ్డానని, ఇకపై పాప్‌కార్న్‌ జోలికి మాత్రం పోనని మార్టిన్‌ అంటున్నాడు

Read latest International News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top