ఫేస్‌బుక్‌, వాట్సప్‌, ఇన్‌స్టాగ్రామ్‌ డౌన్‌..

Facebook Instagram Whatsapp Down Across The world - Sakshi

న్యూఢిల్లీ: సోషల్‌ మీడియా యూజర్లు ఒక్కసారిగా నిరసన గళం విప్పారు. ఫేస్‌బుక్‌తోపాటు దాని ఆధీనంలోని ఇన్‌స్టాగ్రామ్‌, వాట్సప్‌లు ప్రపంచ వ్యాప్తంగా సరిగా పనిచేయలేదు. ట్రాఫిక్‌ మానిటరింగ్‌ వెబ్‌సైట్‌ డౌన్‌ డిటెక్టర్‌ కూడా ఈ విషయాన్ని వెల్లడించింది. ఉత్తర అమెరికా, యూరప్‌, ఆసియా, ఆఫ్రికాలలో ఈ సమస్య తలెత్తినట్టు సదురు వెబ్‌సైటు పేర్కొంది. దీంతో నెటిజన్లు ఫేస్‌బుక్‌, వాట్సాప్‌, ఇన్‌స్టాగ్రామ్‌లలో తలెత్తిన సమస్యలను ఇతరులతో పంచుకోవడానికి ట్విటర్‌ను ఆశ్రయించారు. #facebookdown ట్యాగ్‌తో ఫేస్‌బుక్‌పై ట్విటర్‌లో వ్యంగ్యాస్త్రాలు సంధించారు. ఎమోజీలతో విమర్శల వర్షం కురిపించారు. అయితే రెండున్నర గంటల తరువాత ఈ సమస్య పరిష్కారం అయిందని సమాచారం. 

భారత్‌లో ఆదివారం సాయంత్రం డెస్క్‌టాప్‌ వర్షన్‌లలో ఈ సమస్య కనిపించింది. వినియోగదారులకు లాగిన్‌తోపాటు, పేజ్‌ లోడింగ్‌ సమస్యలు తలెత్తాయి. చాలా మంది భారత యూజర్లు దీనిపై తీవ్ర అసంతృప్తి వ్యక్తం చేశారు. ప్రస్తుతం భారత్‌లో ఫేస్‌బుక్‌, వాట్సాప్‌, ఇన్‌స్టాగ్రామ్‌లు మాములుగానే పనిచేస్తున్నాయి.

Read latest Business News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top