136 మంది ప్రయాణికులు.. దారితప్పిన విమానం..!

Air India Plane Landed Wrong On Under Construction Runway - Sakshi

సాక్షి, న్యూఢిల్లీ : పర్యవేక్షణా లోపం కారణంగా ఎయిరిండియా విమానానికి తృటిలో పెను ప్రమాదం తప్పింది. ఈ ఘటన మాలే విమానాశ్రయంలో శుక్రవారం సాయంత్రం చోటుచేసుకుంది. వివరాలు.. 136 మంది ప్రయాణికులతో కూడిన ఎ-320 ఎయిరిండియా విమానం తిరువనంతపురం నుంచి మాల్దీవులకు బయల్దేరింది. మాలే విమనాశ్రయంలో దిగే క్రమంలో నిర్మాణంలో ఉన్న రన్‌వేపై ల్యాండ్‌ కావడంతో ఒక్కసారిగా విమానం టైర్లు తీవ్ర ఘర్షణకు గురయ్యాయని ఎయిరిండియా అధికారి వెల్లడించారు. టైర్లు మట్టిలో కూరుకుపోవడంతో విమానం ఆ పక్కనే ఉన్న పార్కింగ్‌ బే (వాహనాల పార్కింగ్‌)వైపు దూసుకెళ్లిందని తెలిపారు. అయితే, తప్పిదాన్ని గ్రహించిన పైలట్‌ వెంటనే బ్రేకులు వేయడంతో విమానం నిలిచిపోయిందని అన్నారు. అదృష్టవశాత్తు ఎలాంటి ప్రమాదం జరగలేదని అధికారి పేర్కొన్నారు. కాగా, ఘటనపై స్పందించిన డీజీసీఏ ఇద్దరు పైలట్లను తొలగించింది. విచారణ జరుపుతున్నామని వెల్లడించింది.

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top