అతిగా జిమ్ చేస్తూ యువకుడి మృతి

హైదరాబాద్ ఎల్బీనగర్ ప్రాంతంలో అతి వ్యాయామం ఓ యువకుడి ప్రాణాలను బలి తీసుకుంది. అలకాపురిలో ఉన్న ఓజిల్ సాలిడ్ ఫిట్ నెస్ సెంటర్లో ట్రెడ్మిల్ మీద ఏకంగా రెండు గంటల పాటు వ్యాయామం చేసిన వాసు అనే యువకుడు అక్కడికక్కడే కుప్పకూలి మరణించాడు. వనస్థలిపురం ప్రాంతానికి చెందిన ఈ యువకుడు ట్రెడ్ మిల్ మీద పరుగులు తీస్తుండగానే అక్కడికక్కడే దానిమీదనే కుప్పకూలిపోయాడు.

అయితే ఆ విషయాన్ని అక్కడివాళ్లు ఎవరూ గమనించలేదు. దాతో వాసు అక్కడికక్కడే మరణించాడు. విషయం తెలుసుకున్న పోలీసులు సంఘటన స్థలానికి చేరుకుని దర్యాప్తు చేస్తున్నారు. సంఘటన జరిగిన వెంటనే జిమ్ యజమాని పరారైనట్లు సమాచారం.