TV
వనస్థలిపురం ఆటోనగర్ లోని లారీ బిల్డింగ్ వర్క్ షాపులో శనివారం తెల్లవారుజామున అగ్నిప్రమాదం సంభవించింది.
హైదరాబాద్ : వనస్థలిపురం ఆటోనగర్లోని లారీ బిల్డింగ్ వర్క్షాపులో శనివారం తెల్లవారుజామున అగ్నిప్రమాదం సంభవించింది. దీంతో భారీగా అగ్నికీలలు ఎగసిపడ్డాయి. భద్రత సిబ్బంది వెంటనే స్పందించి... అగ్నిమాపక శాఖకు సమాచారం అందించారు. ఫైరింజన్లు ఘటన స్థలానికి చేరుకుని మంటలు ఆర్పాయి. అప్పటికే వర్క్షాపులోని రెండు లారీలు పూర్తిగా దగ్ధమయ్యాయి.
భారీగా ఆస్తినష్టం సంభవించిందని యజమానులు తెలిపారు. ఈ అగ్నిప్రమాదానికి గల కారణం తెలియరాలేదు. ఈ ప్రమాదంపై సమాచారం అందుకున్న పోలీసులు ఘటన స్థలానికి చేరుకున్నారు. అగ్నిప్రమాదానికి గల కారణాలను భద్రత సిబ్బందిని అడిగి తెలుసుకుంటున్నారు.
