అంతరాష్ట్ర డ్రగ్‌ ముఠాపై పీడీ యాక్ట్‌

సాక్షి, సిటీబ్యూరో: గోవా కేంద్రంగా దేశ వ్యాప్తంగా మాదకద్రవ్యాల దందా నిర్వహిస్తూ గత నెలలో టాస్క్‌ఫోర్స్‌ పోలీసులు పట్టుబడిన అంతరాష్ట్ర డ్రగ్‌ ముఠాపై నగర పోలీస్‌ కమిషనర్‌ పీడీ యాక్ట్‌ ప్రయోగించారు. సీసీఎస్, టాస్క్‌ఫోర్స్‌ సంయుక్త ఆపరేషన్‌లో చిక్కిన నలుగురిపై ఈ చట్టం ప్రయోగించినట్లు టాస్క్‌ఫోర్స్‌ డీసీపీ బి.లింబారెడ్డి సోమవారం తెలిసారు. నైజీరియాలోని వివిధ ప్రాంతాలకు చెందిన సొలోమెన్, ఒబేరా, చుకు, చుక్వాడీ సిటీలో చిక్కి ప్రస్తుతం రిమాండ్‌ ఖైదీలుగా ఉన్నారు. వీరిపై పీడీ యాక్ట్‌ ప్రయోగిస్తూ కొత్వాల్‌ ఉత్తర్వులు జారీ చేశారు.