మెట్రో పనుల ప్రస్తుత రిజల్ట్

సాక్షి,సిటీబ్యూరో: భాగ్యనగరి కలల ప్రాజెక్టు.. మెట్రో రైలు పాతనగరంలో పరుగులు పెట్టే భాగ్యం ఇప్పట్లో లేనట్టేనన్న సంకేతాలు వెలువడుతున్నాయి. జేబీఎస్‌–ఫలక్‌నుమా (కారిడార్‌–2) మార్గంలో.. మహాత్మగాంధీ బస్‌స్టేషన్‌ నుంచి ఫలక్‌నుమా (5.3 కి.మీ) మార్గంలో రూటు మార్పుపై రాష్ట్ర ప్రభుత్వం నిర్మాణ సంస్థ ఎల్‌అండ్‌టీకి ఏడాదిగా ఎలాంటి దిశానిర్దేశం చేయలేదు. దీంతో ఈ అనుమానాలు వ్యక్తమవుతున్నాయి. పాతనగరంలోని పలు ప్రార్ధనా స్థలాలను పరిరక్షించేందుకు మెట్రో మార్గాన్ని మూసీ నది మధ్య నుంచి మళ్లించాలని గతంలో సర్కారు సంకల్పించింది.