TV
కొచ్చివ్యాలి నుంచి గౌహతి వెళ్తున్న వీక్లీ ఎక్స్ప్రెస్ సోమవారం అర్ధరాత్రి వైఎస్ఆర్ జిల్లా నందలూరు సమీపంలోని మంటపంపల్లె వద్ద పట్టాలు తప్పింది.
తిరుపతి/రాజంపేట రూరల్: కొచ్చివ్యాలి నుంచి గౌహతి వెళ్తున్న వీక్లీ ఎక్స్ప్రెస్ సోమవారం అర్ధరాత్రి వైఎస్ఆర్ జిల్లా నందలూరు సమీపంలోని మంటపంపల్లె వద్ద పట్టాలు తప్పింది. భారీ వర్షం కారణంగా ట్రాక్ దెబ్బతినడంతో ఈ ప్రమాదం చోటుచేసుకున్నట్టు తెలుస్తోంది. రెండు బోగీలు పక్కకు ఒరిగి పోయాయి. అయితే ఎలాంటి ప్రాణనష్టం సంభవించలేదు.
నెల్లూరు జిల్లా గూడూరు మీదుగా వెళ్లాల్సిన ఈ ఎక్స్ప్రెస్ను వర్షాల కారణంగా రేణిగుంట, రాజంపేట మీదుగా మళ్లించారు. రేణిగుంట నుంచి వెళ్లాల్సిన పలు రైళ్లను ఎక్కడికక్కడ నిలిపి వేశారు. మరొక ట్రాక్లో కడప నుంచి వచ్చే రైళ్లను నడుపుతున్నారు. సహాయక చర్యల కోసం రేణిగుంట రైల్వే బృందం తరలివెళ్లింది.
