అమానుషాన్ని ఆపేంత వరకూ గొంతెత్తండి..

అయ్యప్ప భక్తుడి ఆవేదన
యడ్లపాడు(చిలకలూరిపేట) : బర్మా దేశంలో ముస్లింలపై దాడులను అరికట్టాలని కోరుతూ ఇచ్చిన ఓ ఫొటో ఇప్పుడు సోషల్‌ మీడియాలో హల్‌చల్‌ చేస్తోంది. ఆ పోస్టుకు లైకులు, షేర్‌లు భారీగా వస్తున్నాయి. సాంకేతిక విప్లవం ప్రజ్వరిల్లుతున్న కాలంలో జాతి విద్వేష మారణకాండను నిలిపి వేయాలంటూ..

అయ్యప్ప మాలధారణ చేసిన వ్యక్తి వైట్‌ చార్టుపై తన అభిప్రాయాన్ని రాసి దిగిన ఈ ఫొటోను తన ఫేస్‌బుక్‌ అకౌంట్‌లో అప్‌లోడ్‌ చేసిన కొన్ని గంటల్లోనే 3 లక్షలకు పైగా లైకులు, లక్షన్నర మంది నెటిజన్లు ఆ ఫొటోను షేర్‌ చేసుకోవడంతో పాటు వందలాది మంది ఇతర దేశాలకు చెందిన వారు ఫోన్లు చేయడం విశేషం. మారణకాండను ఆపేంతవరకు ప్రతి ఒక్కరూ తమ అభిప్రాయాలతో సోషల్‌ మీడియా ద్వారా ప్రభావితం చేయాలని వారు    కోరుతున్నారు.