TV
సాక్షి, హైదరాబాద్‌: బీజేపీ మాజీ ఎమ్మెల్యే కిషన్‌రెడ్డికి మరోసారి బెదిరింపు ఫోన్‌ కాల్‌ రావడం కలకలం రేపింది. మంగళవారం రాత్రి 10 గంటల సమయంలో కిషన్‌రెడ్డికి కాల్‌ చేసిన అగంతకులు బెదిరింపులకు పాల్పడ్డారు. కిషన్‌రెడ్డి అంతు చూస్తామంటూ హెచ్చరించారు. ఈ ఘటనపై కిషన్‌రెడ్డి బుధవారం కాచిగూడ పోలీసులను ఆశ్రయించారు. కిషన్‌రెడ్డి నుంచి ఫిర్యాదు అందుకున్న పోలీసులు కేసు నమోదు చేశారు. గతంలో కూడా కిషన్‌రెడ్డికి ఇలాంటి బెదిరింపు కాల్స్‌ వచ్చిన సంగతి తెలిసిందే.
