TV
కీచక టీచర్‌కు అరదండాలు..
భోపాల్‌ : చిన్నారులకు విద్యాబుద్ధులు నేర్పాల్సిన ఉపాధ్యాయుడు పాడు బుద్ధి ప్రదర్శించి కటకటాల పాలయ్యాడు. మధ్యప్రదేశ్‌లోని పండగోన్‌ గ్రామంలో మైనర్‌ బాలికలకు అశ్లీల వీడియోలు చూపిన ఆరోపణలపై ఉపాధ్యాయుడిని పోలీసులు అదుపులోకి తీసుకున్నారు.
బాధిత విద్యార్థినులు టీచర్‌ వికృత చేష్టలను తల్లితండ్రులకు వివరించడంతో వారు పోలీసులకు ఫిర్యాదు చేశారు. విద్యార్థినుల తల్లితండ్రుల ఫిర్యాదు మేరకు నిందితుడిని అరెస్ట్‌ చేశామని ఏఎస్పీ సమీర్‌ యాదవ్‌ తెలిపారు. నిందితుడిపై పోక్సో చట్టం కింద కేసు నమోదు చేసి దర్యాప్తు చేపట్టామని చెప్పారు.
