ముంబైలో భారీ అగ్ని ప్రమాదం

ముంబై : ముంబై నగరంలో ఆదివారం ఉదయం భారీ అగ్ని ప్రమాదం చోటుచేసుకుంది. మన్‌‌ఖుర్ద్‌ ప్రాంతంలోని మాయాహోటల్‌ సమీపంలోని ఓ షాపులో భారీగా మంటలు చెలరేగాయి. ఉన్నట్టుండి  షాపులో మంటలు చెలరేగి ఇతర ప్రాంతాలకు వ్యాపించాయి. సమాచారం తెలుసుకున్న అగ్నిమాపక సిబ్బంది 12 ఫైరింజన్లతో మంటలను అదుపులోకి తెచ్చేందుకు ప్రయత్నించారు. ప్రమాదానికి గల కారణాలు తెలియరాలేదు. ఈ ప్రమాదంలో ఎలాంటి ప్రాణనష్టం సంభవించలేదని అగ్నిమాపక అధికారులు తెలిపారు.