TV
ఏటీఎం నుంచి వస్తున్నపొగలు
జహీరాబాద్‌ టౌన్‌: మండలంలోని మల్‌చెల్మ సిండికేట్‌ బ్యాంక్‌ ఏటీఎంలో బుధవారం అగ్నిప్రమాదం జరిగింది. ఏటీఎంలోని ఏసీలు కాలిపోయాయి. మధ్యాహ్నాం సమయంలో ఏటీఎం నుంచి అకస్మత్తుగా పొగలు రావడాన్ని గుర్తించిన బ్యాంక్‌కు వచ్చిన రైతులు అధికారులకు సమాచారం ఇచ్చారు.
స్పందించిన బ్యాంక్‌ మేనేజర్‌ ఎం. మంజూషా సిబ్బంది అగ్నిమాపక కేంద్రానికి సమాచారం అందించారు. ఈ లోపు అగ్నిమాపక సిలిండర్‌ ద్వారా మంటలను ఆర్పారు. ఫైర్‌ ఇంజన్‌ వచ్చెలోపే మంటలు అదుపులోకి వచ్చాయి. షాట్‌ సర్క్యూట్‌ వల్లే అగ్నిప్రమాదం జరిగిందని అధికారులు నిర్ధారించారు.
