నగ్నంగా ఊరేగింపు.. యాసిడ్‌ విసిరారు

Belagavi Priest Naked Parade Supporters Threw Acid  - Sakshi

సాక్షి, బెంగళూరు: మహిళా భక్తులపై లైంగిక వేధింపులకు పాల్పడుతున్న పూజారిని చితకబాది, నగ్నంగా ఊరేగించారు స్థానికులు. ఈ క్రమంలో తీవ్ర ఉద్రిక్తతలకు దారి తీసింది.  బెలగావిలో చోటు చేసుకున్న ఈ ఘటన వివరాల్లోకి వెళ్తే...

షంబాజీ రోడ్‌లోని కపిలేశ్వర ఆలయ పూజారి గోపాలయ్య(రామ పూజారి) గత కొంత కాలంగా గుడికొచ్చే మహిళలతో అసభ్యంగా ప్రవర్తిస్తున్నాడు. ఈ విషయంలో కొందరు గోపాలయ్యను హెచ్చరించినప్పటికీ లాభం లేకుండా పోయింది. సోమవారం సాయంత్రం గుడికొచ్చిన ఓ భక్తురాలిపై వికృత చేష్టలకు పాల్పడ్డాడు. దీంతో చిర్రెత్తుకొచ్చిన స్థానికులు అతన్ని చితకబాది ప్యాంట్‌ ఊడదీయించి ఊరేగించారు. ఆ వీడియోలు స్థానికంగా పలు ఛానెళ్లలో ప్రసారం అయినట్లు టౌమ్స్‌ నౌ ప్రచురించింది. అయితే ఈ క్రమంలో గోపాలయ్య అనుచరులు కొందరు యాసిడ్‌ దాడికి దిగినట్లు ఆ కథనం పేర్కొంది.

ఊరేగింపు కొనసాగుతుండగానే గోపాలయ్యపై దాడికి పాల్పడ్డ కొందరు యువకులపై  యాసిడ్‌ బాటిళ్లను విసిరారు. ఈ ఘటనలో పలువురుకి తీవ్ర గాయాలు కాగా,  ఆ దృశ్యాలు కూడా వాట్సాప్‌ గ్రూప్‌లలో చక్కర్లు కొట్టాయి. స్థానికులు గాయపడిన వారిని ఆస్పత్రికి తరలించారు. రంగంలోకి దిగిన పోలీసులు దర్యాప్తు చేపట్టి ఇప్పటికే పలువురురిని అదుపులోకి తీసుకున్నట్లు సమాచారం.     

Read latest Crime News and Telugu News | Follow us on FaceBook, Twitter, Telegram



 

Read also in:
Back to Top