గన్నవరం నుంచి త్వరలో కార్గో విమాన సర్వీసులు

గన్నవరం: కృష్ణాజిల్లా గన్నవరం నుంచి త్వరలో  కార్గో విమాన సర్వీసులను ప్రారంభిస్తున్నట్లు విమానాశ్రయం డెరైక్టర్ రాజ్‌కిశోర్ చెప్పారు. కొత్తగా బాధ్యతలు స్వీకరించిన ఆయన బుధవారం విలేకరులతో మాట్లాడారు. గన్నవరం విమానాశ్రయం నుంచి త్వరలో ఎయిర్‌కోస్తా ద్వారా కార్గో సర్వీసులు నడిపేందుకు సోవిక గ్రూప్స్ సన్నాహాలు చేస్తున్నట్లు తెలిపారు.

కార్గో సర్వీసులను పెంచేందుకుగాను ఎగుమతులు, దిగుమతులకు సంబంధించి ఈ ప్రాంతంలోని పారిశ్రామికవేత్తల అభిప్రాయాలను సేకరించనున్నట్లు పేర్కొన్నారు. అదే విధంగా స్పైస్‌జెట్ సంస్థ ఆక్టోబర్ నుంచి  బెంగళూరు, హైదరాబాద్‌కు మరో రెండు విమాన సర్వీసులను ప్రారంభిస్తున్నట్లు ఆయన తెలిపారు.