‘ఐఫోన్‌ 11’ సేల్‌ 27 నుంచి..

న్యూఢిల్లీ: కాలిఫోర్నియాలో మంగళవారం అట్టహాసంగా విడుదలైన ‘ఐఫోన్‌ 11’ సిరీస్‌ స్మార్ట్‌ఫోన్‌ భారత ధరలను.. యాపిల్‌ కంపెనీ బుధవారం ప్రకటించింది. మొత్తం ఆరు రంగుల్లో లభ్యంకానున్న  ‘ఐఫోన్‌ 11’ ధర ఇక్కడి మార్కెట్లో . రూ. 64,900 ప్రారంభం కానుంది. ‘ఐఫోన్‌ 11 ప్రో’  ప్రారంభ ధర రూ. 99,900 కాగా, ‘ఐఫోన్‌ 11 ప్రో మ్యాక్స్‌’ భారత ధర రూ. 1,09,900 వద్ద నిర్ణయించినట్లు ప్రకటించింది. ఈనెల 27 నుంచి ఇక్కడి వినియోగదారులకు అందుబాటులోకి రానుంది.

యాపిల్‌ వాచ్‌ ధర రూ. 40,900  
యాపిల్‌ ఐ వాచ్‌ సిరీస్‌ 5 (జీపీఎస్‌) ధర రూ. 40,900 నుంచి ప్రారంభం కానుండగా.. వాచ్‌ సిరీస్‌ 5 (జీపీఎస్‌ ప్లస్‌ సెల్యులార్‌) ధర రూ. 49,900 నుంచి ప్రారంభంకానున్నట్లు ప్రకటించింది. ఇక  వీడియో గేమింగ్‌ సర్వీస్‌–ఆర్కేడ్‌ నెలవారీ ధర రూ. 99 వద్ద నిర్ణయించింది. ఐపాడ్‌ ధర రూ. 29,900.