TV
కాగ్నిజెంట్‌ చేతికి టీఎంజీ హెల్త్‌
హెల్త్‌కేర్‌ సర్వీసెస్‌ కార్పొరేషన్‌ (హెచ్‌సీఎస్‌సీ) అనుబంధ కంపెనీ ‘టీఎంజీ హెల్త్‌’ను కొనుగోలు చేస్తున్నట్టు ప్రముఖ ఐటీ కంపెనీ కాగ్నిజెంట్‌ తెలిపింది.
న్యూఢిల్లీ: హెల్త్‌కేర్‌ సర్వీసెస్‌ కార్పొరేషన్‌ (హెచ్‌సీఎస్‌సీ) అనుబంధ కంపెనీ ‘టీఎంజీ హెల్త్‌’ను కొనుగోలు చేస్తున్నట్టు ప్రముఖ ఐటీ కంపెనీ కాగ్నిజెంట్‌ తెలిపింది. 2017 మూడో త్రైమాసికంలో ఈ లావాదేవీ పూర్తవుతుందని... దీంతో ప్రభుత్వ, ప్రజారోగ్య విభాగాల్లో తమ సేవలు బలోపేతం అవుతాయని పేర్కొంది.
ఎంత మొత్తానికి కొనుగోలు చేస్తుందీ కాగ్నిజెంట్‌ వెల్లడించలేదు. ఇదే సమయంలో హెచ్‌సీఎస్‌సీకి చెందిన పలు సబ్సిడరీ కంపెనీలకు ఐటీ, బిజినెస్‌ ప్రాసెస్‌ అవుట్‌సోర్సింగ్‌ తదితర సేవలను అందించేందుకు టీఎంజీ హెల్త్‌ ఒప్పందం కుదుర్చుకోనున్నట్టు వెల్లడించింది.
