గుడ్‌న్యూస్‌: అమెజాన్‌ 22వేల ఉద్యోగాలు

సాక్షి, న్యూఢిల్లీ : పండుగ సీజన్‌కు ప్రముఖ ఈ-కామర్స్‌ దిగ్గజం అమెజాన్‌ గుడ్‌న్యూస్‌ చెప్పింది. పండుగ సీజన్‌లో నిర్వహించబోయే సేల్స్‌కు అనుగుణంగా.. భారీగా ఉద్యోగవకాశాలు కల్పించాలని అమెజాన్‌ నిర్ణయించింది. ఈ మేరకు దేశవ్యాప్తంగా తమ నెట్‌వర్క్‌లో 22వేల సీజనల్‌ ఉద్యోగవకాశాలను కల్పించనున్నట్టు అమెజాన్‌ ప్రకటించింది. తమ ఫుల్‌ఫిల్మెంట్‌ సెంటర్లు, సార్టేషన్ సెంటర్లు, డెలివరీ స్టేషన్లు, కస్టమర్‌ సర్వీసు సైట్లలో ఈ ఉద్యోగాలు ఇవ్వనున్నామని ఈ ఈ-కామర్స్‌ దిగ్గజం చెప్పింది. ఢిల్లీ, ముంబై, హైదరాబాద్‌, చెన్నై, బెంగళూరు, అహ్మదాబాద్‌తో పాటు దేశంలోని మరిన్ని నగరాల్లో ఈ ఉద్యోగవకాశాలు కల్పించనుంది.