స్కూల్ వ్యాన్ బోల్తా: విద్యార్థులకు స్వల్ప గాయాలు

తిమ్మాపూర్ మండలం అలగనూరు వద్ద గౌతమి స్కూల్ వ్యాన్ బుధవారం ఉదయం బోల్తా పడింది. ఈ ఘటనలో పలువురు విద్యార్థులు స్వల్పంగా గాయపడ్డారు.  అయితే స్థానికులు వెంటనే స్పందించి విద్యార్థులను వ్యాన్ నుంచి బయటకు తీశారు. అనంతరం వారిని ప్రాధమిక చికిత్స కోసం సమీపంలోని ఆసుపత్రికి తరలించారు.

డ్రైవర్ అతివేగమే ఆ ప్రమాదానికి కారణమని స్థానికులు ఆరోపించారు. ఆ ఘటనలో డ్రైవర్, క్లీనర్ కూడా స్వల్ప గాయాపడ్డారు. వారు కూడా అదే ఆసుపత్రిలో చికిత్స పొందుతున్నారు. వ్యాన్ బోల్తా పడటంతో రహదారిపై ట్రాఫిక్ భారీగా స్తంభించింది. దాంతో ట్రాఫిక్ పోలీసులు రంగప్రవేశం చేసి వ్యాన్ను రహదారిపై నుంచి పక్కకు తొలగించారు.