భర్త ఇంటి ముందు భార్య ధర్నా

ప్రేమించి పెళ్లి చేసుకొని ఇప్పుడు ముఖం చాటేస్తున్నాడని ఆరోపిస్తు యువతి భర్త ఇంటి ముందు ధర్నాకు దిగింది. తనకు న్యాయం జరిగేంత వరకు అక్కడి నుంచి కదిలేదని భీష్మించుకొని కూర్చుంది. ఈ సంఘటన ఇబ్రహీంపట్నం మండలం బండలింగాపూర్‌లో సోమవారం చోటుచేసుకుంది.

వివరాల్లోకి వెళితే.. స్థానికంగా నివాసముంటున్న శేఖర్ అనేవ్యక్తి గుంటూరుకు చెందిన విజయ అనే యువతిని ప్రేమించి పెళ్లి చేసుకున్నాడు. కాగా.. శేఖర్ ఓ ప్రముఖ తెలుగు ఛానల్ కరస్పాండెంట్‌గా పని చేస్తున్నాడు. ఈ క్రమంలో హైదరాబాద్‌కు నివాసాన్ని మార్చి అయిలాపూర్ గ్రామానికి చెందిన మరో అమ్మాయిని వివాహం చేసుకున్నాడు. ఈ విషయం తెలుసుకున్న విజయ బండలింగాపూర్ చేరుకొని ఆందోళనకు దిగింది. తమ పెళ్లి ఫోటోలు చూపించి.. తనకు న్యాయం చేయాలని కోరింది.