కల్వర్టును ఢీకొన్న కారు... ఒకరి మృతి

కోవూరు: నెల్లూరు జిల్లా కోవూరు సమీపంలో ఓ కారు అదుపుతప్పి రహదారి పక్కనున్న కల్వర్టు రక్షణ గోడను ఢీకొనడంతో ఓ వ్యక్తి ప్రాణాలు కోల్పోయాడు. పోలీసులు తెలిపిన వివరాల ప్రకారం... కావలికి చెందిన వెన్నెల బార్ షాపు యజమాని నరసింహారావు(50), మరో వైన్ షాపు యజమాని చక్రధర్, అల్యూమినియం ఫ్యాక్టరీ యజమాని రాజారామ్ కారులో బుధవారం సాయంత్రం నెల్లూరుకు బయల్దేరారు. కోవూరు సమీపంలోని రామన్నపాలెం గేటు వద్దకు వచ్చేసరికి కల్వర్టు గోడను ఢీకొట్టింది. ఆ సమయంలో కారు నడుపుతున్న నరసింహారావు అక్కడికక్కడే మృతి చెందగా, రాజారామ్, చక్రధర్‌కు తీవ్ర గాయాలయ్యాయి. వీరిని నెల్లూరులోని ఓ ప్రైవేటు ఆస్పత్రికి తరలించారు.