కుటుంబ కలహాలు: ముగ్గురి ఆత్మహత్యాయత్నం

బుచ్చిరెడ్డిపాళెం: కుటుంబకలహాల నేపథ్యంలో ఒకే కుటుంబానికి చెందిన ముగ్గురు ఆత్మహత్యకు యత్నించారు. శ్రీపొట్టిశ్రీరాములు నెల్లూరు జిల్లా బుచ్చిరెడ్డిపాళెం మండలం చెల్లాయపాళెం శివారు వడ్డిపాళెంలో గురువారం రాత్రి చోటుచేసుకుంది. గ్రామానికి చెందిన అంగన్‌వాడీ కార్యకర్త ప్రభావతి, ఆమె భర్త కుమార్, కుమార్తె సింధు(7) గురువారం రాత్రి గుళికల మందు తిని ఆత్మహత్యకు యత్నించారు. వేకువజామున గమనించిన కుటుంబసభ్యులు వారిని బుచ్చిరెడ్డిపాళెం ఆస్పత్రికి తరలించారు. ప్రస్తుతం అక్కడే చికిత్స పొందుతున్నారు. వారికి ఎటువంటి ప్రమాదం లేదని వైద్యులు తెలిపారు.