TV
షాబాద్‌: సెల్‌ఫోన్‌ విషయమై జరిగిన గొడవలో భాగంగా ఓ వ్యక్తిని చితకబాదిన ముగ్గురిపై కేసు నమోదు చేసి రిమాండ్‌కు తరలించారు. ఈ సంఘటన షాబాద్‌ పోలీస్ స్టేషన్‌ పరిధిలో చోటుచేసుకుంది. సీఐ లక్ష్మిరెడ్డి తెలిపిన వివరాల ప్రకారం.. రేగడిదోస్వాడ గ్రామానికి చెందిన శ్రీనివాస్‌రెడ్డికి అతని వద్ద డ్రైవర్‌గా ఉండే ఖలీల్‌కు ఈనెల 22న సెల్‌ఫోన్‌ విషయమై గొడవ జరిగింది. ఖలీల్‌ తన బావమరుదులు అయిన ఆదిల్‌, అద్నాన్‌తో కలిసి కర్రలతో దాడి చేసి శ్రీనివాస్‌రెడ్డిని గాయపరిచారు. బాధితుడి ఫిర్యాదు మేరకు కేసు నమోదు చేసిన పోలీసులు ముగ్గురిని సోమవారం కోర్టులో హాజరు పర్చారు. అనంతరం నిందితులను రిమాండ్‌కు తరలించారు.
