TSSPDCL Prices: ఎస్‌ఎస్‌ఆర్‌ రేట్లు పెంచిన దక్షిణ డిస్కం 

సాక్షి, హైదరాబాద్‌: నిర్వహణ,మరమ్మతు పనులకు సంబంధించిన ప్రామాణిక ధరల పట్టిక(ఎస్‌ఎస్‌ఆర్‌) రేట్లను పట్టణ ప్రాంతాల్లో 30%, గ్రామీణ ప్రాంతాల్లో 25% పెం చుతున్నట్లు దక్షిణ తెలంగాణ విద్యుత్‌ పంపిణీ సంస్థ (టీఎస్‌ఎస్పీడీసీఎల్‌) ప్రకటించింది. రాష్ట్ర విద్యుత్‌ శాఖ మంత్రి జి.జగదీశ్‌రెడ్డి కృషి తో ఎస్‌ఎస్‌ఆర్‌ రేట్లు పెరిగాయని తెలంగాణ ఎలక్ట్రిసిటీ కాంట్రాక్టర్స్‌ అసోసియేషన్‌ ఆయన కు కృతజ్ఞతలు తెలిపింది.

ఈ మేరకు పెద్ద సం ఖ్యలో విద్యుత్‌ కాంట్రాక్టర్లు శనివారం మంత్రి నివాసానికి చేరుకుని ఆయన్ను సన్మానించారు. ఐదేళ్ల నుంచి రేట్ల పెంపుదల కోసం నిరీక్షిస్తున్నామని, సంస్థ తీసుకున్న నిర్ణయాన్ని స్వాగతిస్తున్నామని అసోసియేషన్‌ అధ్యక్ష కార్యదర్శులు శివకుమార్, ఎస్‌కే మాజిద్‌ తెలిపారు.