క్లుప్తంగా | - | Sakshi
Sakshi News home page

క్లుప్తంగా

Nov 20 2026 1:54 AM | Updated on Nov 20 2026 1:54 AM

● రైలు కింద పడి ప్లస్‌–2 విద్యార్థిని ఆత్మహత్య ● ట్రాన్స్‌జెండర్‌ అరెస్ట్‌ ● ఇద్దరు మేనేజర్ల సస్పెన్షన్‌

తండ్రి ప్రమాదంలో

మరణించిన అదే స్థలంలో..

అన్నానగర్‌: తిరుప్పూర్‌లోని సెమ్మండ పాలైయం ప్రాంతానికి చెందిన కార్తీక్‌. ఇతని భార్య జానకి మంగళం సమీపంలోని ఒక ప్రైవేట్‌ పాఠశాలలో ఉపాధ్యాయురాలిగా పని చేస్తోంది. ఈ దంపతులకు సాధన (16) అనే ఒకే కుమార్తె ఉంది. సాధన తన తల్లి పనిచేసే అదే పాఠశాలలో ప్లస్‌–2 చదువుతోంది. చాలా కాలం తర్వాత పుట్టిన ఏకై క కుమార్తె కావడంతో కార్తీక్‌, జానకి సాధనను చాలా ప్రేమగా పెంచారు. పాఠశాల వారి ఇంటి నుండి సుమారు 2 కిలోమీటర్ల దూరంలో ఉంది. దీని కారణంగా, సాధన రోజూ పాఠశాలకు వెళ్లడానికి తన ఇంటి దగ్గర ఉన్న రైల్వే ట్రాక్‌లను దాటేది. ప్రతి ఉదయం, ఆమె తండ్రి కార్తీక్‌ తన కుమార్తెను సురక్షితంగా తీసుకువెళ్లి, ట్రాక్‌లను దాటించి, పాఠశాలకు తీసుకెళ్లి తిరిగి దింపేవాడు. ఈ స్థితిలో ఆరు నెలల క్రితం, రైలు పట్టాలు దాటుతుండగా, వేగంగా వస్తున్న రైలు అనుకోకుండా కార్తీక్‌ను ఢీ కొట్టింది. ఈ ధాటికి కార్తీక్‌ బయటకు ఎగిరిపడి అక్కడికక్కడే మరణించాడు. తనకు ప్రాణాధారమైన తండ్రి ఆకస్మిక మరణంతో విద్యార్థిని సాధన కుంగిపోయింది. ఈ స్థితిలో సాధన బుధవారం సాయంత్రం పాఠశాల ముగించుకుని ఇంటికి బయలుదేరింది. అప్పుడు తన తండ్రి కార్తీక్‌ రైలు ఢీ కొని మరణించిన అదే ప్రదేశానికి వెళ్లిన సాధన, రైలు పట్టాల దగ్గర నిలబడి ఉంది. ఆ సమయంలో, ఢిల్లీ నుండి తిరువనంతపురానికి వెళ్తున్న ఒక సూపర్‌ఫాస్ట్‌ ఎక్స్‌ప్రెస్‌ రైలు ఆ ప్రాంతం గుండా మెరుపు వేగంతో వచ్చింది. కనురెప్పపాటులో, విద్యార్థిని సాధన పట్టాలపైకి దూకి, రైలు ముందు పడి ఆత్మహత్య చేసుకుంది. ఆమె శరీరం చెల్లచెదరు అవ్వడంతో అక్కడికక్కడే మరణించింది. ఈ ఘటన గురించి రైల్వే పోలీసులు కేసు నమోదు చేసి విచారణ చేస్తున్నారు.

యువకుడి వీడియోతో బెదిరింపులు

తిరువొత్తియూరు: తిరువొత్తియూరు ప్రాంతానికి చెందిన రాజ్‌ (26) ఓ ప్రైవేట్‌ సంస్థలో సూపర్‌వైజర్‌గా పనిచేస్తున్నారు. ఈ నేపథ్యంలో గ్రైండర్‌ అనే యాప్‌ ద్వారా తండయార్‌పేట సునామీ క్వార్టర్స్‌కు చెందిన హాసిని (26) అనే ట్రాన్స్‌జెండర్‌తో రాజ్‌కు పరిచయం ఏర్పడింది. అనంతరం ఇద్దరూ సరదాగా గడుపుదాం, ఇంటికి రండి అని ట్రాన్స్‌జెండర్‌ ఫోన్‌ చేసి, రాజ్‌ ఫోన్‌కు లొకేషన్‌ పంపించారు. ఆ ప్రకారం రాజ్‌ బుధవారం ఆమె ఇంటికి వెళ్లారు. ఆ సమయంలో ఆశగా మాట్లాడుతూ, రాజ్‌ బట్టలను ఒక్కొక్కటిగా విప్పమని హాసిని చెప్పారు. దానిని వీడియో తీసి పెట్టుకుని, అతని మెడలో ఉన్న బంగారు గొలుసు రూ. 8 వేల నగదును లాక్కున్నారు. ఈ విషయం ఎవరికీ చెప్పకూడదని, ఒకవేళ చెబితే ఈ వీడియోను సోషల్‌ మీడియాలోనూ, నీ బంధువులకు పంపిస్తానని బెదిరించారు. దీనిపై తండయార్‌పేట పోలీస్‌ స్టేషన్‌లో రాజ్‌ ఫిర్యాదు చేశారు. పోలీసులు ట్రానన్స్‌జెండర్‌ హాసినిని బుధవారం అరెస్ట్‌ చేశారు.

రూ. 22 కోట్ల వరి ధాన్యం కుంభకోణం కేసులో..

కొరుక్కుపేట: తిరుచ్చి ప్రభుత్వానికి సరఫరా చేసిన వరిని బ్లాక్‌ మార్కెట్‌లో విక్రయించి, ప్రభుత్వానికి రూ. 22.20 కోట్ల నష్టం కలిగించిన కేసులో తమిళనాడు వినియోగ వస్తువుల కార్పొరేషన్‌కు చెందిన ఇద్దరు మేనేజర్లను సస్పెండ్‌ చేశారు. రైతుల నుండి కొనుగోలు చేసిన వరి ధాన్యానికి సంబంధించి, తమిళనాడు వినియోగ వస్తువుల సంస్థ ఆయా జిల్లాలలో అధీకృత ఏజెంట్లుగా వ్యవహరిస్తోంది. బియ్యాన్ని ఆధునిక బియ్యం మిల్లులలో మిల్లింగ్‌ చేస్తారు. బియ్యం మిల్లు యజమానులు, మిల్లుకు అందించిన వరిని మిల్లింగ్‌ చేసి, నిర్దిష్ట సమయంలోగా 68 శాతం బియ్యాన్ని కన్స్యూమర్‌ గూడ్స్‌ ట్రేడింగ్‌ కార్పొరేషన్‌కు అప్పగిస్తారు. ఆ విషయంలో, తిరుచ్చి జిల్లా, మనప్పరై, పొయికై పట్టి నివాసి అయిన ఎం. షణ్ముగం ( 57) వాణి ప్రాంతంలో ధృవీకరించబడిన రైస్‌ మిల్లర్‌గా పనిచేస్తున్నారు. ఈ పరిస్థితిలో, అతని రైస్‌ మిల్లుకు 710 టన్నుల వరి ధాన్యం సరఫరా చేశారు. ఒప్పందం ప్రకారం, నిర్ణీత సమయంలోగా 100శాతం బియ్యం సరఫరా కాలేదు. అధికారులు జరిపిన విచారణ అనంతరం అవకతవకలలో పాలుపంచుకున్నందుకు, జోనల్‌ మేనేజర్‌ కుమరవేల్‌, క్వాలిటీ కంట్రోల్‌ మేనేజర్‌ అన్బురాజ్‌ అనే ఇద్దరినీ 15 రోజుల క్రితం వారి పదవుల నుండి తొలగించి ఉన్నతాధికారులు చర్య తీసుకున్నారు. దీనిపై విచారణ నిర్వహించారు.

కాంగ్రెస్‌ జిల్లా ట్రెజరర్‌గా దివాకర్‌

తిరువళ్లూరు: కాంగ్రెస్‌ పార్టీ జిల్లా కోశాధికారిగా వెంగత్తూరుకు చెందిన దివాకర్‌ను నియమిస్తూ రాష్ట్ర పిసిసి చీప్‌ మాణిక్యం ఠాకూర్‌ ఉత్తర్వులు జారీ చేశారు. తిరువళ్లూరు జిల్లా వెంగత్తూరు గ్రామానికి చెందిన దివాకర్‌. ఇతను కాంగ్రెస్‌ పార్టీ యువజన విభాగం రాష్ట్ర ప్రధాన కార్యదర్శిగా, డీసీసీ యూత్‌ ప్రెసిడెంట్‌గానూ గతంలో పని చేశారు. ప్రస్తుతం కేంద్ర ప్రభుత్వ రోడ్డు రవాణా, రహదారుల మంత్రిత్వశాఖ రోడ్డు బద్రత కమిటీ సభ్యుడిగా వున్నారు. కాగా జిల్లా ట్రజరీగా తన పేరును సిఫార్సు చేసిన ఎంపీ శశికాంత్‌ సెంధిల్‌, డీసీసీ అధ్యక్షుడు శశికుమార్‌, చిదంబరం తదితరులకు ఆయన కృతజ్ఞతలు తెలిపారు.

Advertisement

Related News By Category

Related News By Tags

Advertisement
 
Advertisement
Advertisement