IPL 2022: ఆర్‌సీబీపై పంజాబ్‌ కింగ్స్‌ సూపర్‌ విక్టరీ

రాయల్ ఛాలెంజర్స్ బెంగళూరుపై 54 పరుగుల తేడాతో పంజాబ్‌ కింగ్స్‌ విజయం సాధించింది. 210 పరుగుల లక్ష్యంతో బరిలోకి దిగిన ఆర్‌సీబీ తొమ్మిది వికెట్లు కోల్పోయి 155 పరుగులకే పరిమితమైంది. ఆర్‌సీబీ బ్యాటర్లలో మాక్స్‌వెల్‌(35) పరుగులతో టాప్‌ స్కోరర్‌గా నిలిచాడు. పంజాబ్‌ బౌలర్లలో రబాడ మూడు, రాహుల్‌ చాహర్‌, రిషిదావన్‌ చెరో రెండు, హార్‌ప్రీత్‌ బ్రార్‌, ఆర్షదీప్‌ సింగ్‌ తలా వికెట్‌ సాధించారు. ఇక అంతకుముందు టాస్‌ ఓడి బ్యాటింగ్‌కు దిగిన పంజాబ్‌ కింగ్స్‌ నిర్ణీత 20 ఓవర్లలో 8 వికెట్ల నష్టానికి 209 పరుగుల భారీ స్కోర్‌ సాధించింది. పంజాబ్‌ బ్యాటర్లలో లియామ్ లివింగ్‌స్టోన్(70), జానీ బెయిర్‌స్టో(66) పరుగులతో చెలరేగారు. ఆర్‌సీబీ బౌలర్లలో హార్షల్‌ పటేల్‌ నాలుగు వికెట్లు, హాసరంగా రెండు, మాక్స్‌వెల్‌, షబాజ్‌ ఆహ్మద్‌ చెరో వికెట్‌ సాధించారు.

17 ఓవర్లు ముగిసే సరికి ఆర్‌సీబీ 8 వికెట్లు కోల్పోయి ఆర్‌సీబీ 137 పరుగులు చేసింది. 

120 పరుగుల వద్ద ఆర్‌సీబీ ఆరో వికెట్‌ కోల్పోయింది. 11 పరుగులు చేసిన కార్తీక్‌.. ఆర్షదీప్‌ సింగ్‌ బౌలింగ్‌లో రాజపాక్సకు క్యాచ్‌ ఇచ్చి ఔటయ్యాడు. 15 ఓవర్లు ముగిసేసరికి ఆర్సీబీ స్కోర్‌ : 120/6

ఆర్‌సీబీ ఐదో వికెట్‌ కోల్పోయింది. 35 పరుగులు చేసిన మాక్స్‌వెల్‌.. హర్‌ప్రీత్ బ్రార్ బౌలింగ్‌లో.. ఆర్ష్‌దీప్‌ సింగ్‌కు క్యాచ్‌ ఇచ్చి ఔటయ్యాడు. 13 ఓవర్లు ముగిసే సరికి ఆర్‌సీబీ స్కోర్‌: 109/5

104 పరుగుల ఆర్‌సీబీ నాలుగో వికెట్‌ కోల్పోయింది. 26 పరుగులు చేసిన పాటిదార్‌..  చాహర్‌ బౌలింగ్‌లో ఔటయ్యాడు. 11 ఓవర్లకు ఆర్‌సీబీ స్కోర్‌: 104/4

8 ఓవర్లు ముగిసే సరికి ఆర్సీబీ మూడు వికెట్లు కోల్పోయి 71 పరుగులు చేసింది. క్రీజులో మాక్స్‌వెల్‌(19), పాటిదార్‌(12) ఉన్నారు.

210 పరుగుల భారీ లక్ష్యంతో బరిలోకి దిగిన ఆర్‌సీబీ వరుస క్రమంలో రెండు వికెట్లు కోల్పోయింది. రిషి ధావన్‌ వేసిన రెండో ఓవర్‌లో.. డుప్లెసిస్(10), లోమ్రోర్(6) పెవిలియన్‌కు చేరారు. 5 ఓవర్లకు ఆర్‌సీబీ స్కోర్‌: 41/3

33 పరుగుల వద్ద ఆర్‌సీబీ తొలి వికెట్‌ కోల్పోయింది. 20 పరుగులు చేసిన విరాట్‌ కోహ్లి.. రబాడ బౌలింగ్‌లో చాహర్‌కు క్యాచ్‌ ఇచ్చి పెవిలియన్‌కు చేరాడు.

2 ఓవర్లు ముగిసే సరికి ఆర్‌సీబీ 19 పరుగులు చేసింది. క్రీజులో విరాట్‌ కోహ్లి(11), డుప్లెసిస్‌(6) పరుగులతో ఉన్నారు.

టాస్‌ ఓడి బ్యాటింగ్‌కు దిగిన పంజాబ్‌ కింగ్స్‌ నిర్ణీత 20 ఓవర్లలో 8 వికెట్ల నష్టానికి 209 పరుగుల భారీ స్కోర్‌ సాధించింది. పంజాబ్‌ బ్యాటర్లలో లియామ్ లివింగ్‌స్టోన్(70), జానీ బెయిర్‌స్టో(66) పరుగులతో చెలరేగారు.

ఆర్‌సీబీ బౌలర్లలో హార్షల్‌ పటేల్‌ నాలుగు వికెట్లు, హాసరంగా రెండు, మాక్స్‌వెల్‌, షబాజ్‌ ఆహ్మద్‌ చెరో వికెట్‌ సాధించారు.
 

164 పరుగుల వద్ద పంజాబ్‌ కింగ్స్‌ ఐదో వికెట్‌ కోల్పోయింది. 9 పరుగులు చేసిన జితేష్‌ శర్మ... హాసరంగా బౌలింగ్‌లో క్లీన్‌ బౌల్డయ్యాడు.

152 పరుగుల వద్ద పంజాబ్‌ కింగ్స్‌ నాలుగో వికెట్‌ కోల్పోయింది. 19 పరుగులు చేసిన మయాంక్ అగర్వాల్‌.. హర్షల్‌ పటేల్‌ బౌలింగ్‌లో ఔటయ్యాడు. 15 ఓవర్లకు పంజాబ్‌ స్కోర్‌: 152/4

101 పరుగుల వద్ద పంజాబ్‌ కింగ్స్‌ మూడో వికెట్‌ కోల్పోయింది. 66 పరుగులు చేసిన బెయిర్‌స్టో.. షబాజ్‌ ఆహ్మద్‌ బౌలింగ్‌లో పెవిలియన్‌కు చేరాడు. 10 ఓవర్లకు పంజాబ్‌ స్కోర్‌: 105/3

85 పరుగుల వద్ద పంజాబ్‌ కింగ్స్‌ రెండో వికెట్‌ కోల్పోయింది.హాసరంగా బౌలింగ్‌లో  రాజపాక్స(1) ఔటయ్యాడు.

6 ఓవర్లు ముగిసే సరికి వికెట్‌ నష్టానికి పంజాబ్‌ కింగ్స్‌ 83 పరుగులు చేసింది. ఓపెనర్‌ జానీ బెయిర్‌ స్టో చెలరేగి ఆడుతున్నాడు. 21 బంతుల్లొ అర్ధసెంచరీ సాధించాడు. 

60 పరుగుల వద్ద పంజాబ్‌ కింగ్స్‌ తొలి వికెట్‌ కోల్పోయింది. 21 పరుగులు చేసిన ధావన్‌.. మాక్స్‌వెల్‌ బౌలింగ్‌లో క్లీన్‌ బౌల్డయ్యాడు. క్రీజులో బెయిర్‌ స్టో(37), రాజపక్స ఉన్నారు.

టాస్‌ ఓడి బ్యాటింగ్‌కు దిగిన పంజాబ్‌ కింగ్స్‌ రెండు ఓవర్లు ముగిసే సరికి వికెట్‌ నష్టపోకుండా 30 పరుగులు చేసింది. క్రీజులో బెయిర్‌ స్టో(27), ధావన్‌(2) పరుగులతో ఉన్నారు.

ఐపీఎల్‌-2022లో భాగంగా బ్రబౌర్న్‌ స్టేడియం వేదికగా పంజాబ్‌ కింగ్స్‌తో ఆర్‌సీబీ తలపడుతోంది. ఈ మ్యాచ్‌లో టాస్‌ గెలిచిన ఆర్‌సీబీ తొలుత ఫీల్డింగ్‌ ఎంచుకుంది.

తుది జట్లు

ఆర్‌సీబీ
విరాట్ కోహ్లీ, ఫాఫ్ డు ప్లెసిస్ (కెప్టెన్‌), రజత్ పటీదార్, గ్లెన్ మాక్స్‌వెల్, దినేష్ కార్తీక్ (వికెట్‌ కీపర్‌), మహిపాల్ లోమ్రోర్, షాబాజ్ అహ్మద్, వనిందు హసరంగా, హర్షల్ పటేల్, మహ్మద్ సిరాజ్, జోష్ హేజిల్‌వుడ్

పంజాబ్‌ కింగ్స్‌
జానీ బెయిర్‌స్టో, శిఖర్ ధావన్, భానుక రాజపక్స, మయాంక్ అగర్వాల్ (కెప్టెన్‌), జితేష్ శర్మ (వికెట్‌ కీపర్‌), లియామ్ లివింగ్‌స్టోన్, రిషి ధావన్, కగిసో రబడ, రాహుల్ చాహర్, హర్‌ప్రీత్ బ్రార్, అర్ష్‌దీప్ సింగ్